പ്രീമിയർ ലീഗിൽ അവസാനം റിലഗേഷൻ സോണിന് പുറത്ത് എത്തി ശ്വാസം എടുക്കുക ആയിരുന്ന ന്യൂകാസിൽ യുണൈറ്റഡിന് വലിയ തിരിച്ചടി. അവരുടെ പ്രധാന താരമായ ട്രിപ്പിയറിനേറ്റ പരിക്ക് സാരമുള്ളതാണ് എന്ന് ക്ലബ് അറിയിച്ചു. ഞായറാഴ്ച ആസ്റ്റൺ വില്ലയ്ക്കെതിരായ 1-0 വിജയത്തിനിടെ ഏറ്റ പരിക്കാണ് പ്രശ്നം.
കാലിൽ എല്ലിന് പൊട്ടലുണ്ടായതിനെ തുടർന്ന് ക്ലബ്ബിന്റെ വരാനിരിക്കുന്ന മത്സരങ്ങളിൽ നിന്ന് താരം വിട്ടുനിൽക്കും. പരിക്ക് മാറാൻ ശസ്ത്രക്രിയയും വേണ്ടി വരും. ജനുവരി ട്രാൻസ്ഫർ വിൻഡോയിൽ ആയിരുന്നു ട്രിപ്പിയറിനെ ന്യൂകാസിൽ ടീമിൽ എത്തിച്ചത്. ആസ്റ്റൺ വില്ലക്ക് എതിരെ വിജയ ഗോൾ ഉൾപ്പെടെ രണ്ട് ഗോളുകൾ ട്രിപ്പിയർ ഇതിനകം ക്ലബിനായി നേടിയിട്ടുണ്ട്.
