ഏഷ്യന്‍ ഗെയിംസില്‍ ഇന്ത്യയുടെ മെഡല്‍ നേട്ടം 40ലേക്ക് ഉയര്‍ന്നു. ഇന്ന് നടന്ന വനിത ലോംഗ് ജംപില്‍ വെള്ളി മെഡലുമായി മലയാളിതാരം നീന വരകില്‍ ആണ് ഇന്ത്യയുടെ ഏറ്റവും പുതിയ മെഡലവകാശിയായി മാറിയത്. 6.51 മീറ്റര്‍ ചാടിയാണ് നീന തന്റെ വെള്ളി മെഡല്‍ ഉറപ്പാക്കിയത്. കോഴിക്കോട് സ്വദേശിയാണ് നീന വരകില്‍.
മറ്റൊരു ഇന്ത്യന്‍ താരം നയന ജെയിംസിനു 6.14 മീറ്റര്‍ മാത്രമേ താണ്ടുവാനായുള്ളു. 10 സ്ഥാനത്താണ് മത്സരം നയന അവസാനിപ്പിച്ചത്. വിയറ്റ്നാമിന്റെ താവോ തു തി ബുയി സ്വര്‍ണ്ണവും ചൈനയുടെ ക്സു ക്സിയാലോയിംഗ് വെങ്കലവും നേടി.
