വനിത ബിഗ് ബാഷില്‍ ഇംഗ്ലണ്ടിന്റെ രണ്ട് താരങ്ങളെ സ്വന്തമാക്കി മെല്‍ബേണ്‍ ഫ്രാഞ്ചൈസിയായ സ്റ്റാര്‍സ്. ഇംഗ്ലണ്ടിന്റെ നത്താലി സ്കിവറിനെയും കാത്തറിന്‍ ബ്രണ്ടിനെയുമാണ് ടീം കരാറിലെത്തിച്ചിരിക്കുന്നത്. ഇതില്‍ സ്കിവര്‍ സ്റ്റാര്‍സിന് വേണ്ടി മുമ്പ് രണ്ട് വര്‍ഷം കളിച്ചിട്ടുണ്ട്. പിന്നീട് പെര്‍ത്ത് സ്കോര്‍ച്ചേഴ്സിലേക്ക് താരം ചേക്കേറുകയായിരുന്നു. അതേ സമയം കാത്തറിന്‍ ബ്രണ്ട് സ്കോര്‍ച്ചേഴ്സിന് വേണ്ടിയാണ് കളിച്ചിരുന്നത്.
സ്കിവര്‍ 52 വനിത ബിഗ് ബാഷ് മത്സരത്തില്‍ നിന്ന് 952 റണ്‍സ് നേടിയപ്പോള്‍ ബ്രണ്ട് 49 വിക്കറ്റ് നേടിയിട്ടുണ്ട്. കഴിഞ്ഞ സീസണില്‍ ബ്രണ്ട് ടൂര്‍ണ്ണമെന്റ് കളിച്ചിരുന്നില്ല.
