അഫ്ഗാനിസ്ഥാന്‍ ക്യാപ്റ്റന്‍ സ്ഥാനം ഒഴിഞ്ഞ് നബി

ഓസ്ട്രേലിയയ്ക്കെതിരെയുള്ള തോൽവിയോടെ ലോകകപ്പ് അവസാനിപ്പിച്ച അഫ്ഗാനിസ്ഥാന്റെ ക്യാപ്റ്റന്‍ സ്ഥാനം ഒഴിഞ്ഞ് മൊഹമ്മദ് നബി. അഞ്ച് മത്സരങ്ങളിൽ മൂന്ന് എണ്ണം ടീം തോറ്റപ്പോള്‍ രണ്ടെണ്ണം വാഷ്ഔട്ട് ആകുകയായിരുന്നു.

ട്വിറ്ററിലൂടെയാണ് നബി ഈ തീരുമാനം അറിയിച്ചത്. സെലക്ഷന്‍ കമ്മിറ്റിയും താനും ഒരേ പേജിൽ അല്ലായിരുന്നു ടീം സെലക്ഷന്റെ കാര്യത്തിലെന്നും അദ്ദേഹം നീരസമായി അറിയിച്ചു.

കഴിഞ്ഞ ഒരു വര്‍ഷമായി ടീമിന്റെ തയ്യാറെടുപ്പുകളിലും തനിക്ക് അതൃപ്തിയുണ്ടായിരുന്നുവെന്നും നബി വ്യക്തമാക്കി. താനും മാനേജറും സെലക്ഷന്‍ കമ്മിറ്റിയും ഒരേ അഭിപ്രായത്തില്‍ അല്ലായിരുന്നവെന്നും നബി വ്യക്തമാക്കി.