കേരള വനിതാ ലീഗിൽ ലോർഡ്സ് എഫ് എക്ക് ഒരു വിജയം കൂടെ. ഇന്ന് മഹാരാജാസ് ഗ്രൗണ്ടിൽ നടന്ന മത്സരത്തിൽ കേരള യുണൈറ്റഡിനെ എതിരില്ലാത്ത രണ്ടു ഗോളുകൾക്ക് ലോർഡ്സ് എഫ് എ കീഴ്പ്പെടുത്തി. രണ്ടാം പകുതിയിൽ ആയിരുന്നു രണ്ട് ഗോളുകളും വന്നത്. മത്സരത്തിന്റെ 58ആം മിനുട്ടിൽ ഇന്ദുമതി കതിരേശൻ നേടിയ ഗോൾ ആണ് ലോർഡ്സിന് ലീഡ് നൽകിയത്.
മത്സരത്തിന്റെ അവസാന നിമിഷങ്ങളിൽ ആയിരുന്നു രണ്ടാം ഗോൾ വന്നത്. 94ആം മിനുട്ടിൽ മ്യാന്മാർ താരം വിൻ തെങി ആണ് വിജയം ഉറപ്പിച്ച ഈ ഗോൾ നേടിയത്‌. നാലു മത്സരങ്ങൾ കഴിഞ്ഞപ്പോൾ 10 പോയിന്റുമായി ലീഗിൽ രണ്ടാം സ്ഥാനത്ത് നിൽക്കുകയാണ്.
