ക്രിക്കറ്റ് ദക്ഷിണാഫ്രിക്കയുടെ ടി20 ലീഗായ എസ്എ20യിൽ കളിക്കുവാനായി 500ലധികം താരങ്ങള്‍ രജിസ്റ്റര്‍ ചെയ്തു. 18 രാജ്യങ്ങളിൽ നിന്നുള്ള താരങ്ങള്‍ രജിസ്റ്റര്‍ ചെയ്തപ്പോള്‍ ലേലത്തിനായി പാക്കിസ്ഥാനിൽ നിന്ന് ആരും രജിസ്റ്റര്‍ ചെയ്തിട്ടില്ല.
കേപ്ടൗണിൽ സെപ്റ്റംബര്‍ 19 ന് ആണ് ലേലം ആരംഭിയ്ക്കുക. ആറ് ഫ്രാ‍ഞ്ചൈസികള്‍ ഈ ലിസ്റ്റിൽ നിന്ന് താല്പര്യമുള്ള താരങ്ങളെ ഷോര്‍ട്ട് ലിസ്റ്റ് ചെയ്ത് നൽകുവാന്‍ ക്രിക്കറ്റ് ദക്ഷിണാഫ്രിക്ക അറിയിച്ചിട്ടുണ്ട്.
ദക്ഷിണാഫ്രിക്കയിൽ നിന്നാണ് 250 താരങ്ങള്‍ രജിസ്റ്റര്‍ ചെയ്തിരിക്കുന്നത്. ഇംഗ്ലണ്ടിൽ നിന്ന് നൂറും വെസ്റ്റിന്‍ഡീസിൽ നിന്ന് 50ലധികം താരങ്ങളും രജിസ്ര്റര്‍ ചെയ്തിട്ടുണ്ട്. ന്യൂസിലാണ്ടിൽ നിന്ന് റോസ് ടെയിലറും ജെയിംസ് നീഷവും ശ്രീലങ്കയിൽ നിന്ന് 30, അഫ്ഗാനിസ്ഥാനിൽ നിന്ന് 25 സിംബാബ്‍വേയിൽ നിന്ന് 10 എന്നിവരാണ് രജിസ്റ്റര്‍ ചെയ്തിരിക്കുന്നത്.
നെതര്‍ലാണ്ട്സ്, അയര്‍ലണ്ട്, കാനഡ, ഒമാന്‍, സ്കോട്‍ലാന്‍ഡ്, നമീബിയ എന്നീ രാജ്യങ്ങളിൽ നിന്നും രജിസ്ട്രേഷനുണ്ട്.
