കുൽദീപിന് മുന്നിൽ കൂപ്പുകുത്തി ദക്ഷിണാഫ്രിക്കന്‍ ബാറ്റിംഗ്, ഇന്ത്യയ്ക്ക് അനായാസ വിജയം

Sports Correspondent

Kuldeepyadav
Download the Fanport app now!
Appstore Badge
Google Play Badge 1

ഡൽഹി ഏകദിനത്തിൽ മിന്നും വിജയവുമായി ഇന്ത്യ. ഇന്ത്യന്‍ ബൗളിംഗിന് മുന്നിൽ ദക്ഷിണാഫ്രിക്കന്‍ ബാറ്റിംഗ് ചൂളിയപ്പോള്‍ 27.1 ഓവറിൽ 99 റൺസിന് ദക്ഷിണാഫ്രിക്ക ഓള്‍ഔട്ട് ആകുകയായിരുന്നു.

34 റൺസ് നേടിയ ഹെയിന്‍റിച്ച് ക്ലാസ്സന്‍ ആണ് ടീമിന്റെ ടോപ് സ്കോറര്‍. ഇന്ത്യയ്ക്കായി കുൽദീപ് യാദവ് 4 വിക്കറ്റ് നേടിയപ്പോള്‍ വാഷിംഗ്ടൺ സുന്ദര്‍, മൊഹമ്മദ് സിറാജ്, ഷഹ്ബാസ് അഹമ്മദ് എന്നിവര്‍ രണ്ട് വീതം വിക്കറ്റും നേടി.

ഇന്ത്യ 3 വിക്കറ്റ് നഷ്ടത്തിൽ 19.1 ഓവറിലാണ് വിജയം കുറിച്ചത്. 49 റൺസുമായി ശുഭ്മന്‍ ഗില്ലാണ് ഇന്ത്യന്‍ നിരയിൽ തിളങ്ങിയത്. ശിഖര്‍ ധവാന്‍(8), ഇഷാന്‍ കിഷന്‍(10) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.  ശ്രേയസ്സ് അയ്യര്‍ 28 റൺസും നേടി. വിജയ ലക്ഷ്യം 3 റൺസ് അകലെയുള്ളപ്പോളാണ് ഗില്ലിന് തന്റെ അര്‍ദ്ധ ശതകം നഷ്ടമായത്.  സിക്സര്‍ പറത്തി ശ്രേയസ്സ് അയ്യര്‍ ഇന്ത്യന്‍ വിജയം ഉറപ്പാക്കിയപ്പോള്‍ പരമ്പര ഇന്ത്യ 2-1 എന്ന നിലയിൽ സ്വന്തമാക്കി.