കേരള പ്രീമിയർ ലീഗ് നവംബർ 20ന് തുടങ്ങും

കേരള പ്രീമിയർ ലീഗിന്റെ പുതിയ സീസൺ നവംബർ 20ന് ആരംഭിക്കും. മലപ്പുറം കോട്ടപ്പടി സ്റ്റേഡിയത്തിൽ നടക്കുന്ന ആദ്യ മത്സരത്തിൽ കേരള യുണൈറ്റഡും എഫ് സി അരീക്കീടും തമ്മിൽ ഏറ്റുമുട്ടും. കോട്ടപടി സ്റ്റേഡിയം, കോഴിക്കോട്‌ ഇ എം എസ് സ്റ്റേഡിയം, എറണാകുളം മഹാരാജാസ് സ്റ്റേഡിയം എന്നി വേദികളിൽ ആകും മത്സരങ്ങൾ നടക്കുക.

നവംബർ 25ന് കെ എസ് ഇബിയും ആയാണ് കേരള ബ്ലാസ്റ്റേഴ്സ് റിസേർവ്സിന്റെ ആദ്യ മത്സരം. രണ്ട് തവണ കേരള പ്രീമിയർ ലീഗ് കിരീടം നേടിയിട്ടുള്ള ഗോകുലം കേരള നവംബർ 26ന് എഫ് സി കേരളയെ നേരിടും. നിലവിലെ ലീഗ് ചാമ്പ്യന്മാരായ ഗോൾഡൻ ത്രഡ്സിന്റെ ആദ്യ മത്സരം ഡിസംബർ 8ന് മുത്തൂറ്റ് എഫ് എക്ക് എതിരെയാണ്‌.

മൂന്ന് ഗ്രൂപ്പുകളിൽ ആയി 22 ടീമുകൾ ആണ് ഇത്തവണ കെ പി എല്ലിൽ കളിക്കുന്നത്.