“ധോണി നാലു ഡോട്ട് ബോൾ കളിച്ചാൽ പകരം നാലു സിക്സ് അടിക്കാൻ പറ്റുന്ന താരം, കോഹ്ലിക്ക് അതിനാകില്ല”

Virat Kohli Ms Dhoni 1636427886192 1642931193752

വിരാട് കോഹ്ലിയെ വിമർശിച്ച് മുൻ പാകിസ്താൻ ക്യാപ്റ്റൻ റഷീദ് ലത്തീഫ്. വിരാട് കോഹ്‌ലി ഒരിക്കലും ഒരു നല്ല ടി20 കളിക്കാരനല്ല എന്ന് റഷീഫ് ലത്തീഫ് പറഞ്ഞു. കെയ്ൻ വില്യംസൺ, ജോ റൂട്ട് അല്ലെങ്കിൽ സ്റ്റീവ് സ്മിത്ത് എന്നിവരുമായി എല്ലാവരും കോഹ്ലിയെ താരതമ്യപ്പെടുത്തുന്നു, പക്ഷേ അവരാരും ടി20യിൽ മാച്ച് വിന്നിംഗ് ഇന്നിങ്സ് കളിക്കുന്നവർ‌ അല്ല. മികച്ച ഏകദിന താരം മാത്രമാണ് വിരാട് കോലി. പാകിസ്താൻ മുൻ ക്യാപ്റ്റൻ പറഞ്ഞു.

അദ്ദേഹത്തിന് രോഹിത് ശർമ്മയോ സൂര്യകുമാർ യാദവോ ആകാൻ കോഹ്ലിക്ക് കഴിയില്ല എന്നും ഒരു യുട്യൂബ് ഷോയിൽ ലത്തീഫ് പറഞ്ഞു.

റോയൽ ചലഞ്ചേഴ്‌സ് ബാംഗ്ലൂരിനു വേണ്ടിയും കോഹ്ലി ഇതേ ശൈലിയിൽ ആണ് കളിക്കുന്നത്. എംഎസ് ധോണിയെ പോലെയും അല്ല കോഹ്ലി. 3-4 ഡോട്ട് ബോളുകൾ കളിച്ചാൽ 3-4 സിക്‌സറുകളും അടിക്കാനാകുന്ന താരമാണ് ധോണി. കോഹ്ലിക്ക് അതിനാകില്ല. 30-35 പന്തുകൾ കളിച്ച ശേഷമാണ് വിരാട് കോഹ്‌ലി അടിച്ചു തുടങ്ങുന്നത് തന്നെ. റഷീദ് ലത്തീഫ് വിമർശിച്ചു