കേരള ബ്ലാസ്റ്റേഴ്സ് ഇപ്പോൾ ഒരുക്കുന്ന ടീം വിജയിക്കുക എന്ന ഒരൊറ്റ മനോഭാവത്തോടെ കളിക്കുന്നവർ ആണ് എന്ന് കേരള ബ്ലാസ്റ്റേഴ്സ് പരിശീലകൻ. കളിയുടെ ആദ്യ നിമിഷം മുതൽ അവസാന നിമിഷം വരെ വിജയിക്കാൻ ആയി 100% നൽകുന്ന കളിക്കാർ ആണ് ഇവിടെ ഉള്ളത്. കളിയിൽ ലീഡ് ചെയ്യുകയാണോ കളിയിൽ പിറകിലാണോ എന്നത് ഒന്നും വകവെക്കാതെ ഒരേ മെന്റാലിറ്റിയിൽ കളിക്കാൻ ഈ ടീമിന് ആകുന്നുണ്ട് എന്ന് ഇവാൻ വുകമാനോവിച് പറഞ്ഞു.
വിന്നിങ് മെന്റാലിറ്റിയുള്ള താരങ്ങൾ മാത്രമാണ് ഇവിടെ ഉള്ളത്. ഇങ്ങനെ ഒരു കേരള ബ്ലാസ്റ്റേഴ്സിനെ ആണ് ഭാവിയിലേക്ക് ഞങ്ങൾ പടുത്ത് ഉയർത്തുന്നത്. ഈ ടീമിന്റെ പ്രകടനം കണ്ടാൽ ഇങ്ങനെ കളിച്ചാൽ മാത്രമെ കേരള ബ്ലാസ്റ്റേഴ്സിൽ കളിക്കാൻ ആകു എന്ന് ഈ ക്ലബിലേക്ക് വരുന്ന ഒരോ പുതിയ താരത്തിനും തോന്നും. അങ്ങനെ ഒരു സാഹചര്യമാണ് ക്ലബ് സൃഷ്ടിക്കുന്നത്. ഇവാൻ പറഞ്ഞു.
