ലാസിയോയെ എതിരില്ലാത്ത മൂന്നു ഗോളുകൾക്ക് തകർത്തു കരുത്ത് കാട്ടി യുവന്റസ്

Wasim Akram

20221114 032857
Download the Fanport app now!
Appstore Badge
Google Play Badge 1

ഇറ്റാലിയൻ സീരി എയിൽ യുവന്റസിന്റെ തിരിച്ചു വരവ് തുടരുന്നു. ഇന്ന് മൂന്നാം സ്ഥാനക്കാർ ആയിരുന്ന ലാസിയോ നേരിട്ട അവർ എതിരില്ലാത്ത 3 ഗോളുകൾക്ക് അവരെ തകർത്തു മൂന്നാം സ്ഥാനത്തേക്ക് കയറി. അതേസമയം ലാസിയോ നാലാം സ്ഥാനത്തേക്ക് വീണു. മത്സരത്തിൽ പന്ത് കൈവശം വക്കുന്നതിൽ ലാസിയോ ആധിപത്യം കാണാൻ ആയെങ്കിലും കൗണ്ടർ അറ്റാക്കിൽ കൂടുതൽ അവസരങ്ങൾ തുറന്നത് യുവന്റസ് ആയിരുന്നു. ഇമ്മബെയിൽ ഇല്ലാതെ ഒരു ശ്രമം പോസ്റ്റിൽ ഇടിച്ചു മടങ്ങിയത് ഒഴിച്ചാൽ കാര്യമായി യുവന്റസ് ഗോൾ ലാസിയോ പരീക്ഷിച്ചില്ല. ആദ്യ പകുതി അവസാനിക്കുന്നതിനു തൊട്ടു മുമ്പ് മിലിൻകോവിച്-സാവിച്ചിൽ നിന്നു പന്ത് തട്ടിയെടുത്ത റാബിയറ്റിന്റെ പാസിൽ നിന്നു മോയിസ് കീൻ യുവന്റസിന് മുൻതൂക്കം സമ്മാനിച്ചു.

യുവന്റസ്

സീസണിൽ കഴിഞ്ഞ അഞ്ചു മത്സരങ്ങളിൽ നിന്നു താരത്തിന്റെ അഞ്ചാം ഗോൾ ആയിരുന്നു ഇത്. 54 മത്തെ മിനിറ്റിൽ റാബിയറ്റ് ലാസിയോ താരത്തിൽ നിന്നു പന്ത് തട്ടിയെടുത്തു ഇത്തവണ താരത്തിന്റെ പാസിൽ നിന്നുള്ള കോസ്റ്റിച്ചിന്റെ ഷോട്ട് ലാസിയോ ഗോൾ കീപ്പർ തട്ടിയിട്ടു. എന്നാൽ റീബൗണ്ടിൽ ലഭിച്ച അവസരം ലക്ഷ്യത്തിൽ എത്തിച്ച മോയിസ് കീൻ ടീമിന്റെയും തന്റെയും മത്സരത്തിലെ രണ്ടാം ഗോൾ നേടി. 89 മത്തെ മിനിറ്റിൽ പകരക്കാരനായി ഇറങ്ങിയ ഡി മരിയയിൽ നിന്നു സ്വീകരിച്ച പന്ത് മറ്റൊരു പകരക്കാരൻ കിയെൽസ മറിച്ചു നൽകിയപ്പോൾ ലക്ഷ്യം കണ്ട മിലിക് യുവന്റസ് ജയം പൂർത്തിയാക്കുക ആയിരുന്നു. കഴിഞ്ഞ 6 മത്സരങ്ങളിൽ ഒരു ഗോൾ പോലും വഴങ്ങാതെ തുടർച്ചയായി 6 ജയങ്ങൾ കുറിച്ച യുവന്റസ് ശക്‌തമായി ആണ് ഫോമിലേക്ക് തിരിച്ചു എത്തിയത്.