വിജയ് ഹസാരെ ട്രോഫി ചരിത്രത്തിലെ ഏറ്റവും ഉയര്‍ന്ന സ്കോര്‍ നേടി ജാര്‍ഖണ്ഡ്

Sports Correspondent

Download the Fanport app now!
Appstore Badge
Google Play Badge 1

ഇഷാന്‍ കിഷന്റെ വെടിക്കെട്ട് ബാറ്റിംഗിനൊപ്പം വിരാട് സിംഗ്(68), സുമിത് കുമാര്‍(52), അനുകുല്‍ റോയ്(39 പന്തില്‍ 72) എന്നിവരും കസറിയപ്പോള്‍ വിജയ് ഹസാരെ ട്രോഫി ചരിത്രത്തില്‍ ഏറ്റവും ഉയര്‍ന്ന സ്കോര്‍ നേടി ജാര്‍ഖണ്ഡ്. ഇഷാന്‍ 94 പന്തില്‍ 173 റണ്‍സ് നേടിയാണ് ഈ കൂറ്റന്‍ സ്കോറിനുള്ള അടിത്തറ ജാര്‍ഖണ്ഡിന് നല്‍കിയത്.

2010ല്‍ മധ്യ പ്രദേശ് റെയില്‍വേസിനെതിരെ നേടിയ 412/6 എന്ന റെക്കോര്‍ഡ് ഇന്ന് മധ്യ പ്രദേശിനെതിരെ തന്നെ ജാര്‍ഖണ്ഡ് തകര്‍ക്കുകയായിരുന്നു. 9 വിക്കറ്റ് നഷ്ടത്തില്‍ 422 റണ്‍സാണ് ജാര്‍ഖണ്ഡ് നേടിയത്.