ഓപ്പണിംഗിലേക്ക് നീങ്ങിയതല്ല തനിക്ക് തിരിച്ചടിയായത്, താന്‍ അവസരങ്ങള്‍ മുതലാക്കിയില്ല – മാത്യൂ വെയിഡ്

Sports Correspondent

Download the Fanport app now!
Appstore Badge
Google Play Badge 1

ഇന്ത്യയ്ക്കെതിരെ ഓപ്പണിംഗ് സ്ഥാനത്തേക്ക് മാറിയതല്ല ഓസ്ട്രേലിയയുടെ ടെസ്റ്റ് സ്ക്വാഡില്‍ തന്റെ സ്ഥാനം നഷ്ടപ്പെടുവാന്‍ കാരണമെന്ന് പറഞ്ഞ് മാത്യൂ വെയിഡ്. ദക്ഷിണാഫ്രിക്കയ്ക്കെതിരെ ഓസ്ട്രേലിയ ടെസ്റ്റ് സ്ക്വാഡ് പ്രഖ്യാപിച്ചപ്പോള്‍ താരത്തിന് സ്ഥാനമില്ലായിരുന്നു. പരമ്പര പിന്നീട് ഉപേക്ഷിക്കുവാന്‍ ക്രിക്കറ്റ് ഓസ്ട്രേലിയ തീരുമാനിക്കുകയായിരുന്നു.

പരമ്പരയില്‍ 45 റണ്‍സാണ് വെയിഡിന്റെ ഉയര്‍ന്ന സ്കോര്‍. തനിക്ക് വലിയ സ്കോറുകള്‍ നേടുവാനുള്ള അവസരങ്ങള്‍ ഇഷ്ടം പോലെയുണ്ടായിരുന്നുവെന്നും എന്നാല്‍ അത് ചെയ്യാന്‍ സാധിക്കാതെ പോയതാണ് തന്റെ വിഷമ സ്ഥിതിയ്ക്ക് കാരണമെന്ന് വെയിഡ് പറഞ്ഞു. 30കളും 40കളും വളരെ അധികം തനിക്ക് നേടാനായി. എന്നാല്‍ ഒന്നും ശതകത്തിലേക്കോ 80കളിലേക്കോ 90കളിലേക്കോ എത്തിക്കുവാന്‍ തനിക്ക് സാധിച്ചില്ല. അതാണ് തിരിച്ചടിയായതെന്നും വെയിഡ് സൂചിപ്പിച്ചു.