വനിത ജൂനിയര്‍ ലോകകപ്പിൽ ഇന്ത്യയ്ക്ക് മികച്ച വിജയം. വെയിൽസിനെതിരെ ഇന്ത്യ ആദ്യ മത്സരത്തിൽ 5 – 1ന് ആണ് വിജയം കരസ്ഥമാക്കിത്. ലാല്‍റെംസിയാമി, മുംതാസ് ഖാന്‍, ദീപിക എന്നിവര്‍ ഇന്ത്യയ്ക്കായി ഓരോ ഗോള്‍ നേടിയപ്പോള്‍ ലാല്‍റിണ്ടിക്കി രണ്ട് ഗോള്‍ നേടി. മില്ലി ഹോം വെയിൽസിന്റെ ആശ്വാസ ഗോള്‍ നേടി.
ഇന്നത്തെ മറ്റു മത്സരങ്ങളിൽ ഇംഗ്ലണ്ട് അയര്‍ലണ്ടിനെയും(2-1) നെതര്‍ലാണ്ട്സ് കാനഡയെയും(11-0) യുണൈറ്റഡ് സ്റ്റേറ്റ്സ് സിംബാബ്‍വേയെയും(5-0) ജര്‍മ്മനി മലേഷ്യയെയും(10-0) പരാജയപ്പെടുത്തി.
ഏപ്രിൽ ഒന്നിന് നടന്ന മത്സരങ്ങളിൽ ഇംഗ്ലണ്ട് ദക്ഷിണാഫ്രിക്കയെയും(3-0), നെതര്‍ലാണ്ട്സ് യുണൈറ്റഡ് സ്റ്റേറ്റ്സിനെയും(9-0), സിംബാബ്‍വേ കാനഡയെയും(2-1) കൊറിയ ഉറുഗ്വായേയും(1-0)) അര്‍ജന്റീന ഓസ്ട്രിയയെയും(8-0) പരാജയപ്പെടുത്തി.
