പരമ്പരയിലെ നാലാം മത്സരത്തില് ഇന്ത്യയും സ്പെയിനും സമനിലയില് പിരിഞ്ഞു. ആദ്യ പകുതിയില് ഇന്ത്യ രണ്ട് ഗോളിനു മുന്നിട്ട് നിന്ന ശേഷം രണ്ട് ഗോളും രണ്ടാം പകുതിയില് മടക്കി സ്പെയിന് സമനില പിടിച്ചെടുക്കുകയായിരുന്നു. 8ാം മിനുട്ടില് ദീപും 26ാം മിനുട്ടില് നവനീതും ഇന്ത്യയ്ക്കായി ഗോളുകള് നേടി. മൂന്നാം മത്സരത്തില് മികച്ച വിജയം നേടിയ ഇന്ത്യ ഈ മത്സരവും സ്വന്തമാക്കുമെന്ന് കരുതിയെങ്കിലും രണ്ടാം പകുതിയ ആരംഭിച്ച് ആദ്യ പത്ത് മിനുട്ടില് തന്നെ സ്പെയിന് രണ്ട് ഗോളും മടക്കി.
ലൂസിയ(35), ക്ലാര(39) എന്നിവരാണ് സ്പെയിനിന്റെ ഗോള് സ്കോറര്മാര്. ആദ്യ മത്സരം സ്പെയിന് വിജയിച്ചപ്പോള് രണ്ടാം മത്സരം സമനിലയില് അവസാനിച്ചു. മൂന്നാം മത്സരത്തില് ഇന്ത്യ വലിയ വിജയം നേടിയിരുന്നു.
