പുതിയ ഏഷ്യന്‍ അണ്ടര്‍ 20 റെക്കോര്‍ഡോടെ ഇന്ത്യ മിക്സഡ് റിലേ ഫൈനലില്‍

അണ്ടര്‍ 20 ലോക ചാമ്പ്യന്‍ഷിപ്പ്സില്‍ പുതിയ ഏഷ്യന്‍ റെക്കോര്‍ഡ് നേടി ഇന്ത്യയുടെ 4×400 മിക്സഡ് റിലേ ടീം. ഭരത്, പ്രിയ, കപിൽ, രുപാൽ എന്നിവരടങ്ങിയ ടീം തങ്ങളുടെ ഹീറ്റ്സിൽ 3:19:62 സമയത്തിൽ ഫിനിഷ് ചെയ്ത് ഫൈനലിലേക്ക് പ്രവേശിക്കുകയായിരുന്നു.

മൂന്നാമത്തെ ഹീറ്റ്സിൽ ഇറങ്ങിയ ഇന്ത്യ ജര്‍മ്മനി, ഗ്രേറ്റ് ബ്രിട്ടന്‍, പോളണ്ട്, റൊമാനിയ, ദക്ഷിണാഫ്രിക്ക എന്നിവരെ പിന്തള്ളിയാണ് മുന്നിലെത്തിയത്. 2021ൽ നടന്ന ചാമ്പ്യന്‍ഷിപ്പിൽ ഇന്ത്യ വെങ്കല മെഡൽ നേടിയിരുന്നു. അന്ന് 3:20:60 സെക്കന്‍ഡായിരുന്നു സമയം.

അന്ന് നൈജീരിയ സ്വര്‍ണ്ണം നേടിയപ്പോള്‍ പോളണ്ടാണ് വെള്ളി മെഡൽ നേടിയത്.