കോമൺവെൽത്ത് ഗെയിംസിന്റെ ടേബിള്‍ ടെന്നീസിൽ വിജയത്തുടക്കവുമായി ഇന്ത്യന്‍ പുരുഷ – വനിത ടീമുകള്‍. ഇന്ത്യന്‍ വനിതകള്‍ ദക്ഷിണാഫ്രിക്കയെ 3-0 എന്ന സ്കോറിന് പരാജയപ്പെടുത്തിയപ്പോള്‍ പുരുഷന്മാര്‍ ബാര്‍ബഡോസിനെയാണ് ഇതേ മാര്‍ജിനിൽ പരാജയപ്പെടുത്തിയത്.
വനിത ടീമിൽ മണിക ബത്രയും ശ്രീജ ആകുലയും സിംഗിള്‍സ് മത്സരത്തിനിറങ്ങിയപ്പോള്‍ റീത്ത് ടെന്നിസൺ – ശ്രീജ ആകുല ടീം ആണ് ഡബിള്‍സിൽ വിജയം കണ്ടത്. അടുത്ത മത്സരത്തിൽ ഫിജിയാണ് ഇന്ത്യയുടെ എതിരാളികള്‍.
പുരുഷന്മാരുടെ ടീമിൽ ഹര്‍മീത് ദേശായി – സത്യന്‍ ജ്ഞാനശേഖരന്‍ ടീം ആണ് ഡബിള്‍സിനെത്തിയത്. സത്യനും ശരത് കമാലും സിംഗിള്‍സ് മത്സരങ്ങളിൽ കളിച്ചു. സിംഗപ്പൂരിനെയാണ് ഇന്ത്യ അടുത്തതായി നേരിടുന്നത്.
