മെല്‍ബേണ്‍ ടെസ്റ്റില്‍ ഓപ്പണര്‍മാരെ നഷ്ടമായെങ്കിലും ആദ്യ ദിനം ഇന്ത്യയ്ക്ക് സ്വന്തം. നേടാനായത് 215 റണ്‍സ് മാത്രമാണെങ്കിലും ആദ്യ ദിവസം രണ്ട് വിക്കറ്റിന്റെ നഷ്ടം മാത്രം സംഭവിച്ചുവെന്നതില്‍ ഇന്ത്യയ്ക്ക് ആശ്വസിക്കാം. മയാംഗ് അഗര്‍വാല്‍ തന്റെ അരങ്ങേറ്റത്തില്‍ തന്നെ അര്‍ദ്ധ ശതകം നേടിയ മത്സരത്തില്‍ നിലവില്‍ ഇന്ത്യയ്ക്കായി 92 റണ്‍സ് നേടി മൂന്നാം വിക്കറ്റില്‍ വിരാട് കോഹ്‍ലിയും ചേതേശ്വര്‍ പുജാരയുമാണ് ക്രീസില്‍ നില്‍ക്കുന്നത്.
പുജാരയും(68*) മയാംഗ് അഗര്‍വാലും(76) അര്‍ദ്ധ ശതകങ്ങള്‍ നേടിയപ്പോള്‍ വിരാട് കോഹ്‍ലി തന്റെ അര്‍ദ്ധ ശതകത്തിനു മൂന്ന് റണ്‍സ് അകലെയാണ്. ഓസ്ട്രേലിയയ്ക്കായി പാറ്റ് കമ്മിന്‍സ് രണ്ട് വിക്കറ്റ് നേടി.
