സ്പോർട്ടിങ് ലിസ്ബണിന്റെ സ്വീഡിഷ് മുന്നേറ്റനിര താരം വിക്ടർ ഗ്യോകെറസിനെ സ്വന്തമാക്കുന്ന കാര്യത്തിൽ പൂർണ ധാരണയിൽ എത്തി ആഴ്സണൽ. ഏതാണ്ട് 64 മില്യൺ യൂറോ ആണ് ആഴ്സണൽ 27 കാരനായ താരത്തിന് മുടക്കുന്നത് എന്നാണ് സൂചന. താരത്തിന് മെഡിക്കലിൽ പങ്കെടുക്കാനുള്ള അനുമതി സ്പോർട്ടിങ് നൽകി. നാളെ താരം മെഡിക്കൽ പൂർത്തിയാക്കും എന്നാണ് റിപ്പോർട്ട്.
ഇതിനു ശേഷം താരം 5 വർഷത്തെ കരാറിൽ ആഴ്സണലിൽ ഒപ്പ് വെക്കും. ഇതിഹാസ ആഴ്സണൽ താരം തിയറി ഒൻറിയുടെ വിഖ്യാതമായ 14 നമ്പർ ജേഴ്സി ആവും വിക്ടർ ഗ്യോകെറസ് ആഴ്സണലിൽ ധരിക്കുക എന്നാണ് റിപ്പോർട്ട്. 1999 ൽ ആഴ്സണലിൽ എത്തിയ ഒൻറി 14 നമ്പർ അണിഞ്ഞതോടെ ആഴ്സണൽ ചരിത്രത്തിൽ വലിയ സ്ഥാനം ആണ് ഈ ജേഴ്സി നമ്പറിന് ലഭിച്ചത്. തുടർന്ന് വന്നവരിൽ ഒബമയാങ്, തിയോ വാൽകോട്ട് എന്നിവരും ഈ ജേഴ്സി നമ്പർ അണിഞ്ഞു. ഒൻറി ആഴ്സണലിൽ കാണിച്ച മാജിക് ഗ്യോകെറസിന് ആവർത്തിക്കാൻ ആവുമോ എന്നു കാത്തിരുന്നു കാണാം.
