ഐ എഫ് എ ഷീൽഡ് ക്വാർട്ടറിൽ യുണൈറ്റഡ് സ്പോർടിനെ മറികടന്ന് ഗോകുലം കേരള സെമി ഫൈനലിലേക്ക് മുന്നേറി. ഇന്ന് കൊൽക്കത്തയിൽ നടന്ന മത്സരത്തിൽ പെനാൾട്ടി ഷൂട്ടൗട്ടിലാണ് ഗോകുലം യുണൈറ്റഡ് സ്പോർടിനെ മറികടന്നത്. നിശ്ചിത സമയത്ത് 2-2 എന്നായിരുന്നു സ്കോർ. പെനാൾട്ടി ഷൂട്ടൗട്ടിൽ 5-4 എന്ന സ്കോറിന് വിജയിക്കാൻ ഗോകുലത്തിനായി.
ഇനി സെമി ഫൈനലിൽ ഗോകുലം കേരള നിലവിലെ ചാമ്പ്യന്മാരായ റിയൽ കാശ്മീരിനെ നേരിടും. മറ്റൊരു സെമിയിൽ ശ്രീനിധി ഡെക്കാനും റെയിൽവേ എഫ് സിയുമാണ് നേർക്കുനേർ വരുന്നത്. ഡിസംബർ 12നാകും സെമി ഫൈനൽ മത്സരങ്ങൾ നടക്കുക.
