ഒൻറിയെ മറികടന്നു ജിറൂദ്, ഫ്രാൻസിന് ആയി ഏറ്റവും കൂടുതൽ ഗോൾ നേടിയ താരമായി

Fb Img 1670170825978

ഫ്രാൻസിന് ആയി അന്താരാഷ്ട്ര മത്സരങ്ങളിൽ ഏറ്റവും കൂടുതൽ ഗോൾ നേടുന്ന താരമായി ഒളിവർ ജിറൂദ്. പോളണ്ടിനു എതിരായ പ്രീ ക്വാർട്ടർ മത്സരത്തിൽ ആദ്യ പകുതിയിൽ എംബപ്പെയുടെ പാസിൽ നിന്നു ഗോൾ കണ്ടത്തിയതോടെ ആണ് താരം റെക്കോർഡ് കുറിച്ചത്. ഇതോടെ ഫ്രാൻസിന് ആയി ജിറൂദ് നേടിയ ഗോളുകൾ 52 ആയി.

ജിറൂദ്

ഇതിഹാസതാരം തിയറി ഒൻറിയെ ആണ് 36 കാരനായ ജിറൂദ് 117 മത്തെ മത്സരത്തിൽ ഈ ഗോളോടെ മറികടന്നത്. ഈ ലോകകപ്പിൽ ജിറൂദ് നേടുന്ന മൂന്നാം ഗോൾ കൂടിയായിരുന്നു ഇത്. 2018 ലോകകപ്പിൽ ഫ്രാൻസ് ലോകകിരീടം നേടിയപ്പോൾ ഒരു ഗോൾ പോലും നേടാതിരുന്ന ജിറൂദ് പക്ഷെ ഈ ലോകകപ്പിൽ മൂന്നു ഗോളോടെ ടോപ്പ് സ്‌കോറർ പട്ടികയിൽ ആണ് ഉള്ളത്.