ഹാര്‍ദ്ദിക്കിന് പകരക്കാരനെ കണ്ടെത്താനാകാതെ പോയത് ഇന്ത്യയ്ക്ക് രണ്ട് ലോകകപ്പുകള്‍ നഷ്ടപ്പെടുത്തി – രവി ശാസ്ത്രി

Hardikshashtri

താന്‍ കോച്ചായിരുന്നപ്പോള്‍ രണ്ട് ലോകകപ്പ് കിരീടങ്ങള്‍ ഇന്ത്യയ്ക്ക് നഷ്ടമായതിന് കാരണം ഹാര്‍ദ്ദിക് പാണ്ഡ്യയ്ക്ക് പകരക്കാരനെ കണ്ടെത്താനാകാത്തതിനാലാണ് എന്ന് പറഞ്ഞ് മുന്‍ ഇന്ത്യന്‍ കോച്ച് രവി ശാസ്ത്രി. തനിക്ക് ടോപ് സിക്സിൽ ബൗളിംഗ് കൂടി ചെയ്യുവാന്‍ കഴിയുന്ന ഒരു വ്യക്തിയെ എന്നും ടീമിൽ വേണമെന്നായിരുന്നുവെന്നും എന്നാൽ ഹാര്‍ദ്ദിക്കിന് പരിക്കേറ്റത് വലിയ തിരിച്ചടിയായെന്നും അതാണ് 2019, 2021 ലോകകപ്പിൽ ഇന്ത്യയ്ക്ക് തിരിച്ചടിയായതെന്നും ശാസ്ത്രി സൂചിപ്പിച്ചു.

തങ്ങള്‍ സെലക്ടര്‍മാരോട് പകരം ഒരാളെ കണ്ടെത്തണമെന്ന് ആവശ്യപ്പെട്ടിരുന്നുവെങ്കിലും അത്തരത്തിൽ ഒരാള്‍ ഇല്ലെന്നത് അവര്‍ക്കും കാര്യങ്ങള്‍ പ്രയാസകരമാക്കിയെന്നും രവി ശാസ്ത്രി കൂട്ടിചേര്‍ത്തു.