ഏകദിനത്തില്‍ ലോക ഒന്നാം റാങ്കിലുള്ള തങ്ങള്‍ ആ സ്ഥാനത്തേക്ക് എത്തിയത് വെറുതേയല്ലെന്ന് വീണ്ടും തെളിയിച്ച് ഇംഗ്ലണ്ട്. ലോകകപ്പില്‍ തുടര്‍ച്ചയായ മൂന്നാം ശതകം നേടിയ ഇംഗ്ലണ്ട്, തുടര്‍ച്ചയായ ഏഴാം മത്സരത്തിലാണ് മുന്നൂറിനു മേലുള്ള സ്കോര്‍ നേടുന്നത്. ഈ ഏഴെണ്ണത്തില്‍ അഞ്ച് തവണയും പാക്കിസ്ഥാനെതിരെയാണ് ഇംഗ്ലണ്ടിന്റെ ഈ നേട്ടം.
ഇംഗ്ലണ്ട് ഇന്ന് ബംഗ്ലാദേശിനെതിരെ നേടിയ 386 റണ്‍സ് ലോകകപ്പില്‍ ഇംഗ്ലണ്ടിന്റെ ഏറ്റവും ഉയര്‍ന്ന സ്കോറാണ്. ഇതിനു മുമ്പ് 2011ല്‍ ഇന്ത്യയ്ക്കെതിരെ ബെംഗളൂരുവില്‍ നേടിയ 338/8 എന്ന സ്കോറായിരുന്നു ഇംഗ്ലണ്ടിന്റെ ഇതുവരെയുള്ള ഉയര്‍ന്ന സ്കോര്‍. 2007ല്‍ ഓസ്ട്രേലിയയാണ് തുടര്‍ച്ചയായ 6 തവണ 300നു മുകളില്‍ സ്കോര്‍ നേടിയത്. 2006ല്‍ ശ്രീലങ്കയും 2017ല്‍ ഇന്ത്യയും തുടര്‍ച്ചയായ 5 മത്സരങ്ങളില്‍ 300നു മേലെയുള്ള സ്കോര്‍ നേടി.
