റയൽ മാഡ്രിഡിന് തിരിച്ചടി, ബെൻസിമക്ക് എൽ ക്ലാസിക്കൊ നഷ്ടമാകും

Benzema Real

എൽ ക്ലാസിക്കൊയ്ക്കിറങ്ങുന്ന റയൽ മാഡ്രിഡിന് വമ്പൻ തിരിച്ചടി. സൂപ്പർ താരം കെരീം ബെൻസിമക്ക് എൽ ക്ലാസിക്കോ നഷ്ടമാകും. പരിക്കാണ് റയൽ മാഡ്രിഡിന്റെ വില്ലനായി മാറിയത്. റയൽ മയ്യോർക്കകെതിരെ കളിക്കുമ്പോൾ ഏറ്റ മസിൽ ഇഞ്ചുറിയാണ് ബെൻസിമക്ക് വിനയായത്.

ബാഴ്സക്കെതിരെയുള്ള റയലിന്റെ വജ്രായുധം ബെൻസിമ ആയിരുന്നു. ഈ സീസണിൽ മാഡ്രിഡിന്റെ 59 ഗോളുകളിൽ 33 എണ്ണത്തിന് പിന്നിലും ബെൻസിമയുണ്ട്. ബാഴ്സലോണക്കെതിരെ 11 ഗോളുകളും 10 അസിസ്റ്റുമാണ് ബെൻസിമയുടെ റെക്കോർഡ്. ബെൻസിമയുടെ അഭാവം റയൽ മാഡ്രിഡിനും ആഞ്ചലോട്ടിക്കും തിരിച്ചടിയാണ്.