ബംഗ്ലാദേശിനെതിരെയുള്ള ഹാട്രിക്ക് നേട്ടം സ്വന്തമാക്കി 48 മണിക്കൂറിനുള്ളില്‍ വീണ്ടുമൊരു ഹാട്രിക്കുമായി ദീപക് ചഹാര്‍. ഇന്ന് സയ്യദ് മുഷ്താഖ് അലി ട്രോഫിയില്‍ രാജസ്ഥാന് വേണ്ടി വിദര്‍ഭയ്ക്കെതിരെയാണ് ദീപക് ചഹാറിന്റെ ഈ നേട്ടം. തന്റെ മൂന്നോവറില്‍ 18 റണ്‍സിന് നാല് വിക്കറ്റ് നേടിയ ദീപക് ചഹാറിന്റെ മികവില്‍ 99/9 എന്ന നിലയില്‍ വിദര്‍ഭയെ പിടിച്ച് കെട്ടുവാന്‍ രാജസ്ഥാന് സാധിച്ചു. മഴ മൂലം 13 ഓവറാക്കി മത്സരം ചുരുക്കിയിരുന്നു.
ഇന്നിംഗ്സിലെ അവസാന ഓവറിലെ അവസാന മൂന്ന് പന്തിലാണ് താരത്തിന്റെ ഹാട്രിക്ക് നേട്ടം. ദര്‍ശന്‍ നല്‍കണ്ടേ, ശ്രീകാന്ത് വാഗ്, അക്ഷയ് വാഡ്കര്‍ എന്നിവരെയാണ് ചഹാര്‍ പുറത്താക്കി ഹാട്രിക്ക് സ്വന്തമാക്കിയത്.
