ഐപിഎലില്‍ അയ്യായിരം റണ്‍സ് തികയ്ക്കുന്ന ആദ്യ വിദേശ താരമായി സണ്‍റൈസേഴ്സ് നായകന്‍ ഡേവിഡ് വാര്‍ണര്‍. വിരാട് കോഹ്‍ലി, സുരേഷ് റെയ്‍ന, രോഹിത് ശര്‍മ്മ എന്നിവരാണ് ഐപിഎലില്‍ ഈ അപൂര്‍വ്വ നേട്ടം സ്വന്തമാക്കിയിട്ടുള്ള മറ്റു താരങ്ങള്‍. 135 ഇന്നിംഗ്സില്‍ നിന്ന് ഈ നേട്ടം സ്വന്തമാക്കി വാര്‍ണര്‍ ആണ് ഏറ്റവും കുറവ് ഇന്നിംഗ്സില്‍ അയ്യായിരം റണ്‍സിലേക്ക് എത്തിയ താരം.
ഇതിന് മുമ്പ് ഈ നേട്ടം സ്വന്തമാക്കിയ വിരാട് കോഹ്‍ലിയെക്കാള്‍ 22 ഇന്നിംഗ്സ് കുറച്ച് മാത്രമാണ് അയ്യായിരം റണ്‍സിലേക്കെത്തുവാന്‍ വാര്‍ണര്‍ക്ക് എടുത്തത്.
