സൗത്തിന്ത്യന്‍ ഡര്‍ബിയിൽ വിജയവുമായി ബെംഗളൂരു ബുള്‍സ്, തെലുഗു ടൈറ്റന്‍സിനെ വീഴ്ത്തിയത് 5 പോയിന്റിന്

ഇന്ന് നടന്ന രണ്ടാം മത്സരത്തിൽ തെലുഗു ടൈറ്റന്‍സിനെതിരെ ത്രസിപ്പിക്കുന്ന വിജയവുമായി ബെംഗളുരു ബുള്‍സ്. 34-29 എന്ന സ്കോറിനാണ് ബെംഗളൂരുവിന്റെ വിജയം. ആദ്യ പകുതിയിൽ 17 പോയിന്റ് വീതം നേടി ഇരു ടീമുകളും ഒപ്പത്തിനൊപ്പം നിന്നപ്പോള്‍ രണ്ടാം പകുതിയിൽ 17-12 എന്ന നിലയിൽ മേൽക്കൈ ബെംഗളൂരു നേടി.

7 പോയിന്റ് നേടിയ നീരജ് ബെംഗളൂരുവിനായി തിളങ്ങിയപ്പോള്‍ വിനയ്, രജനീഷ് എന്നിവര്‍ തെലുഗുവിനായി 7 പോയിന്റ് നേടി. 5 പോയിന്റുമായി വികാശ് കണ്ടോലയും ഭരതും നിര്‍ണ്ണായക പ്രകടനം ബെംഗളൂരുവിനായി നടത്തുകയായിരുന്നു.