ഗോളടിച്ചു കൂട്ടിയ ബാഴ്സലോണക്ക് ഗാമ്പർ ട്രോഫി സ്വന്തം

20220808 013946

ലാലിഗ സീസൺ തുടങ്ങും മുന്നെയുള്ള അവസാന മത്സരത്തിൽ ബാഴ്സലോണക്ക് വിജയം. ഇന്ന് ഗാമ്പർ ട്രോഫിയിൽ മെക്സിക്കൻ ക്ലബായ പുമസ് UNAMനെ നേരിട്ട ബാഴ്സലോണ എതിരില്ലാത്ത ആറ് ഗോളുകളുടെ വിജയം നേടി കിരീടം തങ്ങളുടേതാക്കി മാറ്റി. ഇന്ന് ക്യാമ്പ്നുവിൽ നടന്ന മത്സരത്തിൽ ആദ്യ 10 മിനുട്ടിൽ തന്നെ ബാഴ്സലോണ മൂന്ന് ഗോളുകൾ അടിച്ചിരുന്നു.

നാലാം മിനുട്ടിൽ ലെവൻഡോസ്കിയുടെ ഗോളുമായാണ് ബാഴ്സലോണ കളി തുടങ്ങിയത്. ലെവൻഡോസ്കിയുടെ ക്യാമ്പ്നുവിലെ ആദ്യ ഗോൾ. അഞ്ചാം മിനുട്ടിൽ പെനാൾട്ടി ബോക്സിൽ നിന്ന് ലെവൻഡോസ്കിയുടെ ഒരു മനോഹര പാസ് ലക്ഷ്യത്തിലെത്തിച്ച് പെഡ്രി ലീഡ് ഇരട്ടിയാക്കി.
20220808 013929
പത്താം മിനുട്ടിൽ റഫീഞ്ഞയുടെ പാസിൽ നിന്ന് ഒരു അനായാസ ഫിനിഷിൽ ഡെംബലെ ബാഴ്സയുടെ മൂന്നാം ഗോൾ നേടി. 19ആം മിനുട്ടിൽ ലെവൻഡോസ്കിയുടെ ഒരു ഫ്ലിക്ക് പാസ് സ്വീകരിച്ച് പെഡ്രി തന്റെ രണ്ടാം ഗോൾ നേടി. ബാഴ്സ ആദ്യ പകുതി 4-0ന് അവസാനിപ്പിച്ചു.

രണ്ടാം പകുതിയുടെ തുടക്കത്തിൽ ഒബാമയങ്ങും അവസാനം ഡിയോങ്ങും ഗോൾ ചെയ്തതോടെ അവരുടെ വിജയം പൂർത്തിയായി.

Story Highlight: Barcelona defeat Pumas 6-0 Gamper Trophy