കോമൺവെൽത്ത് ഗെയിംസ് ഹോക്കിയുടെ ഫൈനലില്‍ നിരാശയായി ഇന്ത്യയുടെ പ്രകടനം. ഇന്ന് ഓസ്ട്രേലിയയ്ക്കെതിരെ നടന്ന ഫൈനലില്‍ ഏകപക്ഷീയമായ ഏഴ് ഗോളുകള്‍ക്കാണ് ഇന്ത്യയുടെ തോൽവി.
ആദ്യ പകുതി അവസാനിക്കുമ്പോള്‍ തന്നെ ഇന്ത്യ അഞ്ച് ഗോളുകള്‍ക്ക് പിന്നിലായിരുന്നു. രണ്ടാം പകുതിയിൽ രണ്ട് ഗോളുകള്‍ കൂടി നേടി ഓസ്ട്രേലിയ സ്വര്‍ണ്ണമുറപ്പാക്കി. ഓസ്ട്രേലിയയ്ക്കായി നഥാന്‍ എഫ്രാമസും ജേക്കബ് ആന്‍ഡേഴ്സണും 2 വീതം ഗോളുകള്‍ നേടിയപ്പോള്‍ ടോം വിക്ക്ഹാം, ബ്ലേക്ക് ഗ്ലോവേഴ്സ്, ഫ്ലിന്‍ ഒഗിലിവ് എന്നിവര്‍ ഗോള്‍ പട്ടിക തികച്ചു.
