തന്റെ അവസാന ഓസ്‌ട്രേലിയൻ ഓപ്പണിൽ രണ്ടാം റൗണ്ടിലേക്ക് മുന്നേറി ഇന്ത്യൻ ഇതിഹാസതാരം ലിയാണ്ടർ പേസ്. മിക്സഡ് ഡബിൾസിൽ പേസ് യെലേന ഒസ്റ്റപെൻകോ സഖ്യം സൂപ്പർ ടൈബ്രെക്കറിലൂടെയാണ് ആദ്യ റൗണ്ടിൽ ജയിച്ച് കയറിയത്. ഓസ്‌ട്രേലിയൻ സഖ്യം ആയ സ്റ്റോം സാന്റേഴ്‌സ് മാർക് പോൾമാൻസ് സഖ്യത്തിന് എതിരെ ആദ്യ സെറ്റ് ടൈബ്രെക്കറിലൂടെ നഷ്ടമായ ശേഷം ആയിരുന്നു പേസ് സഖ്യം മത്സരത്തിലേക്ക് തിരിച്ചു വന്നത്. രണ്ടാം സെറ്റ് 6-3 നു നേടിയ സഖ്യം സൂപ്പർ ടൈബ്രെക്കറിലൂടെ 10-6 നു മത്സരവും സ്വന്തമാക്കി.
വൈൽഡ് കാർഡ് ആയി ടൂർണമെന്റിൽ എത്തിയ പേസ് സഖ്യം പക്ഷെ മത്സരത്തിൽ മികച്ച് നിന്നു. പ്രായം തന്നെ തളർത്തിയിട്ടില്ല എന്ന സൂചന പലപ്പോഴും മത്സരത്തിൽ നൽകിയ ലിയാണ്ടർ പേസ് തന്റെ അവസാന ഓസ്‌ട്രേലിയൻ ഓപ്പണിൽ എത്രത്തോളം മുന്നോട്ട് പോവാൻ പറ്റുമോ അത്രയും പോവാൻ ആവും ശ്രമിക്കുക. അതേസമയം മിക്സഡ് ഡബിൾസിൽ ഇന്ത്യയുടെ രോഹൻ ബൊപ്പണ്ണയും ഉക്രൈന്റെ നാദിയ കിചെനോക്കും അടങ്ങിയ സഖ്യവും ഓസ്‌ട്രേലിയൻ ഓപ്പൺ രണ്ടാം റൗണ്ടിലേക്ക് മുന്നേറി. അമേരിക്കൻ, ബ്രസീൽ സഖ്യം ആയ നിക്കോള, ബ്രൂണോ സഖ്യത്തെ 7-6,7-5 എന്ന സ്കോറിന് ആണ് ബൊപ്പണ്ണ സഖ്യം മറികടന്നത്.
