28 റണ്‍സിന് രണ്ട് വിക്കറ്റ് നഷ്ടമായ ഓസ്ട്രേലിയയുടെ രക്ഷയ്ക്കെത്തി മാര്‍നസ് ലാബൂഷാനെ-സ്റ്റീവ് സ്മിത്ത് കൂട്ടുകെട്ട്. ആദ്യ ഓവറില്‍ ഡേവിഡ് വാര്‍ണറെ പുറത്താക്കിയ സ്റ്റുവര്‍ട് ബ്രോഡ് അധികം വൈകാതെ 13 റണ്‍സ് നേടിയ മാര്‍ക്കസ് ഹാരിസിനെയും പുറത്താക്കിയ ശേഷം 70 റണ്‍സ് കൂട്ടുകെട്ടുമായി ഈ മൂന്നാം വിക്കറ്റ് കൂട്ടുകെട്ട് മത്സരത്തിലേക്ക് ശക്തമായ തിരിച്ചുവരവ് നടത്തുകയായിരുന്നു.
മാഞ്ചെസ്റ്റര്‍ ടെസ്റ്റിന്റെ ഒന്നാം ദിവസം ലഞ്ചിനായി ടീമുകള്‍ പിരിയുമ്പോള്‍ 49 റണ്‍സുമായി ലാബൂഷാനെയും 28 റണ്‍സുമായി സ്റ്റീവന്‍ സ്മിത്തും ക്രീസില്‍ നില്‍ക്കുകയാണ്.
