എ ടി കെ മോഹൻ ബഗാന് നിരാശയുടെ തുടർച്ച, സ്വന്തം കാണികൾക്ക് മുന്നിൽ പരാജയപ്പെട്ട് എ എഫ് സി കപ്പിൽ നിന്ന് പുറത്ത്

Atk Liston

ഈ ആഴ്ച എ ടി കെ മോഹൻ ബഗാന് നല്ല ആഴ്ച അല്ല. അവർ ഡൂറണ്ട് കപ്പിൽ നിന്ന് പുറത്തായതിനു പിന്നാലെ ഇപ്പോൾ എ എഫ് സി കപ്പിൽ നിന്നും പുറത്തായിരിക്കുകയാണ്‌ . ഇന്ന് കൊൽക്കത്തയിൽ നടന്ന ഇന്റർ സോൺ സെമി ഫൈനലിൽ കോലാലമ്പൂർ സിറ്റി ആണ് മോഹൻ ബഗാനെ പരാജയപ്പെടുത്തിയത്. ഒന്നിനെതിരെ മൂന്ന് ഗോളുകൾക്കായിരുന്നു കോലാലമ്പൂർ സിറ്റിയുടെ വിജയം.

ആദ്യ പകുതിയിൽ നല്ല ആധിപത്യം പുകർത്തിയിട്ടും ഗോളടിക്കാത്തത് മോഹൻ ബഗാന് വലിയ തിരിച്ചടിയായി. രണ്ടാം പകുതിയിൽ അറുപതാം മിനുട്ടിൽ ജോസെയിലൂടെ സന്ദർശകർ ലീഡ് എടുത്തു. ഈ ഗോളിന് മറുപടി നൽകാനുള്ള മോഹൻ ബഗാന്റെ ശ്രമം 90ആം മിനുട്ടിൽ ഫലം കണ്ടു. യുവതാരം ഫരീദ് അലിയിലൂടെ സമനില വന്നു.

20220907 211346

പക്ഷെ ആ സമനില ആശ്വാസമായില്ല. ഇതിന് തൊട്ടു പിറകെ രണ്ട് ഗോളുകൾ അടിച്ച് കോലാലമ്പൂർ സിറ്റി 3-1ന് വിജയം ഉറപ്പിച്ചു. ഐമനും മൊരാലസും ആയിരുന്നു ഈ ഗോളുകൾ നേടിയത്. മോഹൻ ബഗാൻ ഇത് തുടർച്ചയായി രണ്ടാം വർഷമാണ് ഇന്റർ സോൺ സെമി ഫൈനലിൽ പുറത്താകുന്നത്.