ആഷസ് പരമ്പരയിലെ വിജയികളെ പ്രവചിക്കുക അസാധ്യമാണെന്ന് മുൻ ഓസ്ട്രേലിയൻ ക്യാപ്റ്റൻ സ്റ്റീവ് വോ. എന്ത് കൊണ്ടാണ് കഴിഞ്ഞ 18 വർഷമായി ഓസ്ട്രേലിയക്ക് ഇംഗ്ലണ്ടിൽ പരമ്പര നേടാനാവാതെ പോയതെന്ന കാര്യം നിഗൂഡമാണെന്നും മുൻ ഓസ്ട്രേലിയൻ ക്യാപ്റ്റൻ പറഞ്ഞു. ആറ് ആഴ്ചകൾക്കുളിൽ അഞ്ച് ടെസ്റ്റ് മത്സരം കളിക്കുക എന്നത് ഫാസ്റ്റ് ബൗളർമാരെ സംബന്ധിച്ച് വളരെ കഠിനമാണെന്നും വോ പറഞ്ഞു.
ഇത്തരം ഘട്ടങ്ങളിൽ ടീമിന്റെ ആഴം പരീക്ഷിക്കപെടുമെന്നും ജിമ്മി ആൻഡേഴ്സണും മിച്ചൽ സ്റ്റാർക്കിനും പരിക്കേറ്റാൽ അത് ടീമിനെ മൊത്തം ബാധിക്കുമെന്നും മുൻ ക്യാപ്റ്റൻ പറഞ്ഞു. അതെ സമയം ലോകകപ്പ് കിരീടം നേടിയതും ആഷസ് ടെസ്റ്റും തമ്മിൽ ബന്ധമില്ലെന്നും രണ്ടും രണ്ട് താരത്തിലുള്ള മത്സരമാണെന്നും വോ പറഞ്ഞു. അടുത്ത വ്യാഴഴ്ച്ച എഡ്ജ്ബാസ്റ്റണിൽ വെച്ചാണ് ഇംഗ്ലണ്ടും ഓസ്ട്രേലിയയും തമ്മിലുള്ള ആദ്യ ആഷസ് ടെസ്റ്റ് പോരാട്ടം.
