സെവിയ്യ താരത്തിനെ ആന്റണിക്ക് പകരക്കാരനാക്കാൻ അയാക്സ് ശ്രമം
മാഞ്ചസ്റ്റർ യുണൈറ്റഡിലേക്ക് ചേക്കേറിയ ബ്രസീലിയൻ താരം ആന്റണിക്ക് പകരക്കാരനായി അർജന്റീനയുടെ ലൂകാസ് ഒകാമ്പോസിനെ സ്വന്തമാക്കാൻ അയാക്സ് ശ്രമം. നേരത്തെ മുൻ താരം കൂടിയായ ഹകിം സിയെചിനെ ചെൽസിയിൽ നിന്നു എത്തിക്കാൻ ആയിരുന്നു ഡച്ച് ടീമിന്റെ ശ്രമം.
എന്നാൽ നിലവിൽ സിയെചിന്റെ കാര്യത്തിൽ തീരുമാനത്തിൽ എത്താൻ ആവാത്തതിനാൽ സെവിയ്യ താരമായ ഒകാമ്പോസിനെ ടീമിൽ എത്തിക്കാൻ അയാക്സ് ശ്രമിക്കുന്നു എന്നാണ് നിലവിലെ വാർത്തകൾ. 28 കാരനായ താരത്തിനെ 15 മില്യൺ യൂറോക്ക് എങ്കിലും സ്വന്തമാക്കാൻ ആണ് ഡച്ച് ടീം ശ്രമം. ആരാധകരുടെ പ്രിയപ്പെട്ട ഒകാമ്പോസിനെ അത്ര എളുപ്പത്തിൽ സെവിയ്യ വിൽക്കുമോ എന്നു വരും മണിക്കൂറുകളിൽ അറിയാം.
Story Highlight : Ajax trying to replace Antony with Ocampos.
