പൊരുതി വീണ് സിംബാബ്‍വേ, 24 റണ്‍സ് ജയത്തോടെ പാക്കിസ്ഥാന് ടി20 പരമ്പര

Sports Correspondent

Download the Fanport app now!
Appstore Badge
Google Play Badge 1

ഇന്ന് ടി20 പരമ്പരയിലെ അവസാന മത്സരത്തില്‍ സിംബാബ്‍വേയ്ക്കെതിരെ 24 റണ്‍സ് നേടി പാക്കിസ്ഥാന്‍. ആദ്യം ബാറ്റ് ചെയ്ത ടീം 165/3 എന്ന സ്കോര്‍ നേടിയ ശേഷം 141/7 എന്ന സ്കോറിന് സിംബാബ്‍വേയെ പിടിച്ച് കെട്ടിയാണ് വിജയം കരസ്ഥമാക്കിയത്. വെസ്ലി മാധവേരെ(59), താഡിവനാഷേ മരുമാനി(35) എന്നിവര്‍ ടോപ് ഓര്‍ഡറില്‍ മികവ് പുലര്‍ത്തിയെങ്കിലും ഇവരുടെ വിക്കറ്റുകള്‍ നഷ്ടമായതിന് ശേഷം റണ്ണൊഴുക്ക് നിലയ്ക്കുകയായിരുന്നു.

Wesleymadhevere

ഒരു ഘട്ടത്തില്‍ 102/1 എന്ന നിലയിലായിരുന്ന സിംബാബ്‍വേയ്ക്ക് മത്സരത്തില്‍ സാധ്യതയുണ്ടായിരുന്നുവെങ്കിലും പിന്നീട് തുടരെ വിക്കറ്റുകളുമായി പാക്കിസ്ഥാന്‍ മത്സരത്തിലേക്ക് തിരികെ എത്തുകയായിരുന്നു. ഹസന്‍ അലി നാല് വിക്കറ്റും ഹാരിസ് റൗഫ് രണ്ട് വിക്കറ്റുമാണ് പാക്കിസ്ഥാന് വേണ്ടി നേടിയത്.