ഇന്ത്യയുടെ മോശം ഫീൽഡിങ്ങിനെ വിമർശിച്ച് യുവരാജ് സിങ്

വെസ്റ്റിൻഡീസിനെതിരായ ഒന്നാം ടി20യിലെ ഇന്ത്യയുടെ ഫീൽഡിങ്ങിനെ വിമർശിച്ച് മുൻ ഇന്ത്യൻ താരം യുവരാജ് സിങ്. മത്സരത്തിൽ ഇന്ത്യൻ ക്യാപ്റ്റൻ വിരാട് കോഹ്‌ലിയുടെയും കെ.എൽ രാഹുലിന്റെയും മികവിൽ കൂറ്റൻ സ്കോർ മറികടന്ന് ഇന്ത്യ ജയം സ്വന്തമാക്കിയിരുന്നു.

എന്നാൽ മത്സരത്തിൽ ഇന്ത്യയുടെ ഫീൽഡിങ്ങിന് വളരെ മോശമായിരുന്നു. മത്സരത്തിൽ ഇന്ത്യൻ നിരവധി ക്യാച്ചുകൾ നഷ്ടപ്പെടുത്തുകയും മോശം ഫീൽഡിങ് മൂലം അനാവശ്യമായി റൺസ് വഴങ്ങുകയും ചെയ്തിരുന്നു. ഇതോടെയാണ് ഇന്ത്യയുടെ ഫീൽഡിങ്ങിനെ വിമർശിച്ച് യുവരാജ് സിങ് രംഗത്തെത്തിയത്. യുവ താരങ്ങൾ ഫീൽഡ് ചെയ്യുമ്പോൾ കുറച്ച് സമയമെടുത്താണ് പ്രതികരിക്കുന്നതെന്നും യുവരാജ് സിങ് പറഞ്ഞു.

മത്സരത്തിൽ ഹേറ്റ്മ്യറിന്റെ ക്യാച് വാഷിംഗ്‌ടൺ സുന്ദറും വെസ്റ്റിൻഡീസ് ക്യാപ്റ്റൻ കീറോൺ പോളാർഡിന്റെ ക്യാച് രോഹിത് ശർമ്മയും കളഞ്ഞിരുന്നു. തുടർന്ന് മികച്ച പ്രകടനം പുറത്തെടുത്ത വെസ്റ്റിൻഡീസ് താരങ്ങൾക്ക് ടീമിന് കൂറ്റൻ സ്കോർ സമ്മാനിച്ചിരുന്നു.

Previous articleഡിബാലയ്ക്ക് ഇന്ന് യുവന്റസ് ജേഴ്സിയിൽ ഇരുന്നൂറാം മത്സരം
Next article10 വർഷത്തിന് ശേഷം ഫവാദ് ആലം പാകിസ്ഥാൻ ടീമിൽ