ആദ്യ ഇന്നിംഗ്സില്‍ 90 റണ്‍സിനു പുറത്തായ ന്യൂസിലാണ്ട് രണ്ടാം ഇന്നിംഗ്സില്‍ 131/2 എന്ന ഭേദപ്പെട്ട നിലയില്‍. പാക്കിസ്ഥാന്റെ ഒന്നാം ഇന്നിംഗ്സ് സ്കോറിനു 197 റണ്‍സ് പിന്നിലായി നില്‍ക്കുന്ന ന്യൂസിലാണ്ടിനായി ടോം ലാഥം(44), റോസ് ടെയിലര്‍(49) എന്നിവരാണ് ക്രീസില്‍ നില്‍ക്കുന്നത്. 30 റണ്‍സ് നേടിയ കെയിന്‍ വില്യംസണും ജീത്ത് റാവലും(2) ആണ് പുറത്തായ താരങ്ങള്‍.
യസീര്‍ ഷായ്ക്കാണ് രണ്ട് വിക്കറ്റും ലഭിച്ചത്. ടെസ്റ്റിന്റെ മൂന്നാം ദിവസം ഇരു ഇന്നിംഗ്സുകളിലായി 10 വിക്കറ്റ് യസീര്‍ ഷാ നേടിയിട്ടുണ്ട്. ആദ്യ ഇന്നിംഗ്സില്‍ 90 റണ്‍സിനു പുറത്തായ ന്യൂസിലാണ്ടിനെ പാക്കിസ്ഥാന്‍ ഫോളോ ഓണ്‍ ചെയ്യുവാന്‍ ആവശ്യപ്പെടുകയായിരുന്നു.
