മിച്ചൽ മാർഷ് ലോകകപ്പിന് മുമ്പ് ഫിറ്റ്നസ് വീണ്ടെടുക്കും എന്ന് ഓസ്‌ട്രേലിയയുടെ മുഖ്യ പരിശീലകൻ ആൻഡ്രൂ മക്ഡൊണാൾഡ് പറഞ്ഞു. ഇന്ത്യൻ പ്രീമിയർ ലീഗ് (ഐപിഎൽ) 2024-ൽ ഡെൽഹി ക്യാപിറ്റൽസിനൊപ്പമുള്ള മത്സരത്തിനിടെ പരിക്കേറ്റ് മാർഷ് ഐ പി എല്ലിൽ നിന്ന് പിന്മാറിയിരുന്നു. ഇത് ഓസ്ട്രേലിയക്ക് ആശങ്ക നൽകിയിരുന്നു.
“അടുത്ത രണ്ടാഴ്ചയ് കൂടെ വേണ്ടിവരും മാർഷ് വീണ്ടും പന്തെറിയാൻ. ഞങ്ങൾ അമേരിക്കയിലേക്ക് പോകുന്നതിന് മുമ്പുള്ള ആഴ്‌ച അത് സംഭവിക്കും. ” മക്ഡൊണാൾഡ് മാധ്യമപ്രവർത്തകരോട് പറഞ്ഞു. ESPNCricinfo ഉദ്ധരിച്ചത്.
“മാർഷ് സ്ക്വാഡിൽ ഞങ്ങൾക്ക് ഓൾ റൗണ്ട് ഡെപ്ത് നൽകുന്നു. അദ്ദേഹത്തിന്റെ പരിക്ക് പ്രതീക്ഷിച്ചതിലും അൽപ്പം മന്ദഗതിയിലാണ് സുഖമാകുന്മത്. പക്ഷേ, ഞങ്ങൾക്ക് ഇപ്പോൾ ധാരാളം സമയമുണ്ട്. ആദ്യ മത്സരത്തിന് ഇനിയും ഒരുമാസം ഉണ്ട്. അദ്ദേഹത്തിന് തയ്യാറാകാൻ ആ സമയം മതിയാകും ”മക്ഡൊണാൾഡ് പറഞ്ഞു.
