ഓപ്പണിംഗ് ഇറങ്ങുന്നതോ മൂന്നാം നമ്പറില്‍ ബാറ്റ് ചെയ്യുന്നതോ തമ്മില്‍ വലിയ വ്യത്യാസമില്ലെന്ന് പറഞ്ഞ് ജോ റൂട്ട്. ഇന്നലെ വിന്‍ഡീസിനെതിരെ തന്റെ പതിവ് മൂന്നാം നമ്പറിനു പകരം ഓപ്പണറായാണ് ജോ റൂട്ട് ഇറങ്ങിയത്. 100 റണ്‍സ് നേടി താരം പുറത്താകാതെ നിന്ന് മാന്‍ ഓഫ് ദി മാച്ച് അവാര്‍ഡ് നേടുകയായിരുന്നു. ജേസണ്‍ റോയിയുടെ പരിക്കാണ് റൂട്ടിനെ ഓപ്പണിംഗില്‍ പരീക്ഷിക്കുവാന്‍ ഇംഗ്ലണ്ടിനെ പ്രേരിപ്പിച്ചത്.
എന്നാല്‍ ഓപ്പണിംഗും തനിയ്ക്ക് വഴങ്ങുമെന്നാണ് താരം കാണിച്ചത്. താന്‍ സാഹചര്യങ്ങള്‍ക്കനുസരിച്ചാണ് കളിച്ചതെന്നും ഓപ്പണിംഗും വണ്‍ ഡൗണും തമ്മില്‍ വലിയ വ്യത്യാസമുണ്ടെന്ന് തനിക്ക് തോന്നുന്നില്ലെന്നും ജോ റൂട്ട് പറഞ്ഞു.
