വിരാട് കോഹ്ലിയോടുള്ള സ്നേഹം ഒരിക്കൽ കൂടെ പ്രകടിപ്പിച്ച് പാകിസ്താൻ വിക്കറ്റ് കീപ്പർ ബാറ്റർ മുഹമ്മദ് റിസുവാൻ. ഇന്ന് സ്റ്റാറിനോട് സംസാരിക്കവെ വിരാട് കോഹ്ലി ഈ ലോകകപ്പിൽ 50 സെഞ്ച്വറിയിൽ എത്തണം എന്ന് റിസുവാൻ ആശംസിച്ചു. ഈഡൻ ഗാർഡനിൽ കോഹലി അദ്ദേഹത്തിന്റെ പിറന്നാളിന് കളിക്കാൻ പോകുന്നതിനെ കുറിച്ച് ആയിരുന്നു ചോദ്യം.
കോഹ്ലിയോട് തനിക്ക് എന്നും സ്നേഹവും ബഹുമാനവും ആണെന്ന് മുഹമ്മദ് റിസുവാൻ പറഞ്ഞു. ദൈവം അനുഗ്രഹിക്കുക ആണെങ്കിൽ അദ്ദേഹത്തിന് 49ആം സെഞ്ച്വറിയും 50ആം സെഞ്ച്വറിയും ഈ ലോകകപ്പിൽ തന്നെ ലഭിക്കണം എന്ന് താൻ ആശംസിക്കുന്നു. റിസുവാൻ പറഞ്ഞു.
വിരാട് കോഹ്ലി ഇപ്പോൾ 48 ഏകദിന സെഞ്ച്വറിയിൽ ആണ് നിൽക്കുന്നത്. ഒരു സെഞ്ച്വറി കൂടെ നേടിയാൽ കോഹ്ലിക്ക് സച്ചിൻ തെൻഡുൽക്കറുടെ 49 സെഞ്ച്വറികൾ എന്ന റെക്കോർഡിനൊപ്പം എത്താം. കോഹ്ലി പിറന്നാളിന് ഇന്ത്യ ദക്ഷിണാഫ്രിക്കയെ ആണ് നേരിടുന്നത്. അതിനു മുമ്പ് ഇന്ത്യ ശ്രീലങ്കയെയും നേരിടുന്നുണ്ട്.
