ബംഗ്ലാദേശിനെതിരെ ടോസ് നഷ്ടമായി ബാറ്റിംഗിനിറങ്ങിയ ശ്രീലങ്ക 279 റൺസാണ് നേടിയത്. 49.3 ഓവറിലാണ് ശ്രീലങ്ക ഓള്‍ഔട്ട് ആയത്. ഒരു ഘട്ടത്തിൽ 135/5 എന്ന നിലയിലായിരുന്ന ലങ്കയെ ചരിത് അസലങ്കയുടെ ബാറ്റിംഗ് മികവാണ് പൊരുതാവുന്ന സ്കോറിലേക്ക് എത്തിച്ചത്. പതും നിസ്സങ്ക, സദീര സമരവിക്രമ, ധനന്‍ജയ ഡി സിൽവയും പൊരുതി നിന്നു.
ആഞ്ചലോ മാത്യൂസ് ടൈംഡ് ഔട്ട് ആയി പുറത്താകുന്നതും മത്സരത്തിനിടെ സാക്ഷ്യം വഹിക്കുവാന്‍ ഏവര്‍ക്കുമായി. 108 റൺസ് നേടിയ ചരിത് അസലങ്കയാണ് ടീമിന്റെ ടോപ് സ്കോറര്‍. നിസ്സങ്കയും സമരവിക്രമയും 41 റൺസ് വീതം നേടിയപ്പോള്‍ ധനന്‍ജയ ഡി സിൽവ് 34 റൺസ് നേടി പുറത്തായി.
ആറാം വിക്കറ്റിൽ അസലങ്ക – ധനന്‍ജയ കൂട്ടുകെട്ട് നേടിയ 76 റൺസ് കൂട്ടുകെട്ടാണ് ലങ്കയുടെ തിരിച്ചുവരവ് സാധ്യമാക്കിയത്. 105 പന്തിൽ 108 റൺസ് നേടിയാണ് അസലങ്ക 49ാം ഓവറിലെ 4ാം പന്തിൽ പുറത്തായത്.
തന്‍സിം ഹസന്‍ ഷാക്കിബ് ബംഗ്ലാദേശിനായി 3 വിക്കറ്റ് നേടി. ഷൊറിഫുള്‍ ഇസ്ലാം, ഷാക്കിബ് അൽ ഹസന്‍ എന്നിവര്‍ രണ്ട് വിക്കറ്റും നേടി.
