ബാബറിന്റെ ഫോമില്ലായ്മ തുടരുന്നു, പാക്കിസ്ഥാന് ആദ്യ വിജയം സമ്മാനിച്ച് റിസ്വാന്‍

ടി20 ലോകകപ്പില്‍ ആദ്യ വിജയം സ്വന്തമാക്കി പാക്കിസ്ഥാന്‍. ഇന്ന് നടന്ന മത്സരത്തിൽ 91 റൺസിന് നെതര്‍ലാണ്ട്സിനെ എറിഞ്ഞൊതുക്കിയ ശേഷം ലക്ഷ്യം 4 വിക്കറ്റ് നഷ്ടത്തിൽ 13.5 ഓവറിലാണ് പാക്കിസ്ഥാന്‍ മറികടന്നത്.

മൊഹമ്മദ് റിസ്വാന്‍ 49 റൺസുമായി തിളങ്ങിയപ്പോള്‍ ബാബര്‍ അസം വീണ്ടും ചെറിയ സ്കോറിന് പുറത്തായി. ഫകര്‍ സമന്‍ 20 റൺസ് നേടി പുറത്താകുകയായിരുന്നു.