ശ്രീലങ്കയ്ക്ക് തിരിച്ചടിയായി നുവാന്‍ പ്രദീപിന്റെ പരിക്ക്

അഫ്ഗാനിസ്ഥാനെതിരെ മിന്നും പ്രകടനം പുറത്തെടുത്ത് നാല് വിക്കറ്റുകള്‍ വീഴ്ത്തിയ നുവാന്‍ പ്രദീപിന്റെ സേവനം ബംഗ്ലാദേശിനെതിരെ ശ്രീലങ്കയ്ക്ക് ലഭിയ്ക്കില്ല. താരത്തിനു പരിശീലനത്തിനിടെ പരിക്കേറ്റതാണ് തിരിച്ചടിയായിരിക്കുന്നത്. അതേ സമയം ഒരാഴ്ചയ്ക്കുള്ളില്‍ താരത്തിനു വീണ്ടും കളത്തിലേക്കെത്താമെന്നാണ് പ്രതീക്ഷിക്കുന്നത്.

താരത്തിന്റെ ബൗളിംഗിനുപോയഗിക്കുന്ന കൈയുടെ വിരലില്‍ മുറിവും സ്ഥാനം മാറിയതുമാണ് ഇപ്പോള്‍ താരത്തിനും ശ്രീലങ്കയ്ക്കും തിരിച്ചടിയായിരിക്കുന്നത്. നെറ്റ്സില്‍ കുശല്‍ പെരേരയ്ക്ക് ബൗള്‍ ചെയ്യുന്നതിനിടെയാണ് താരത്തിന്റെ പരിക്ക്. കുശ്‍ പെരേര ശക്തമായി അടിച്ച സ്ട്രെയിറ്റ് ഷോട്ട് തടുക്കാനുള്ള ശ്രമം പരിക്കിലേക്ക് വഴിതെളിയ്ക്കുകയായിരുന്നു. ഉടനടി താരത്തെ ആശുപത്രിയിലെത്തിയ്ക്കുകയായിരുന്നു.

ബംഗ്ലാദേശിനെതിരെയുള്ള കളിയില്‍ താരം കളിയ്കിക്കില്ലെന്നും ആവശ്യമായ എല്ലാ മെഡിക്കല്‍ സഹായവും താരത്തിനു നല്‍കിയിട്ടുണ്ടെന്ന് ടീമിന്റെ മാനേജര്‍ അശാന്ത ഡി മെല്‍ അറിയിച്ചു.