ബംഗ്ലാദേശിനു തലവേദനയായി ഒന്നിലധികം താരങ്ങളുടെ പരിക്ക്

- Advertisement -

ദക്ഷിണാഫ്രിക്കയ്ക്കെതിരെ നടക്കാനിരിക്കുന്ന ബംഗ്ലാദേശിന്റെ ഉദ്ഘാടന മത്സരത്തില്‍ തമീം ഇക്ബാല്‍ കളിയ്ക്കുന്ന കാര്യം സംശയത്തില്‍. വെള്ളിയാഴ്ച പരിശീലനത്തിനിടെ താരത്തിനു പരിക്കേറ്റതിനെ തുടര്‍ന്ന് പരിശീലനം മതിയാക്കി താരം ഡ്രസ്സിംഗ് റൂമിലേക്ക് മടങ്ങുകയായിരുന്നു. സ്കാനിംഗില്‍ പൊട്ടലുകളൊന്നും കണ്ടെത്തിയില്ലെങ്കിലും കൂടുതല്‍ പരിശോധനയ്ക്ക് ശേഷം മാത്രമേ തങ്ങളുടെ ഉദ്ഘാടന മത്സരത്തില്‍ താരത്തെ കളിപ്പിക്കുന്ന കാര്യം തീരുമാനിക്കുകയുള്ളുവെന്നാണ് അറിയുന്നത്.

നേരത്തെ ഇന്ത്യയ്ക്കെതിരെയുള്ള സന്നാഹ മത്സരത്തിലും താരം കളിച്ചിരുന്നില്ല. സാനമായ രീതിയില്‍ മുഹമ്മദ് സൈഫുദ്ദീന്റെയും പരിക്ക് ടീമിനെ അലട്ടുന്നുണ്ട്. പുറം വേദന കാരണം താരം വേദന സംഹാരികളുടെ ആശ്രയത്തിലാണിപ്പോളുള്ളത്. താരത്തെ വേദന സംഹാരികളുടെ സായത്തോടെ ആദ്യ മത്സരത്തില്‍ കളിപ്പിക്കുകയെന്ന ലക്ഷ്യത്തോടെയാണ് ബംഗ്ലാദേശ് മാനേജ്മെന്റ് നിലകൊള്ളുന്നത്.

മുസ്തഫിസുര്‍ റഹ്മാനും മഹമ്മദുള്ളയും മഷ്റഫെ മൊര്‍തസയുമെല്ലാം പലവിധ അസ്വാസ്ഥ്യങ്ങള്‍ മൂലം പൂര്‍ണ്ണമായും ഫിറ്റല്ല എന്നാണ് ഇപ്പോള്‍ ലഭിയ്ക്കുന്ന വിവരം.

Advertisement