ആംല കളിയ്ക്കുമോ? തീരുമാനം നാളെ മാത്രം

- Advertisement -

ജോഫ്ര ആര്‍ച്ചറുടെ പന്ത് ഹെല്‍മറ്റില്‍ ഇടിച്ച ശേഷം റിട്ടേര്‍ഡ് ഹര്‍ട്ടായി പവലിയനിലേക്ക് മടങ്ങിയ ഹഷിം അംല തിരികെ ദക്ഷിണാഫ്രിക്കയ്ക്കായി ബാറ്റ് ചെയ്യാനെത്തിയെങ്കിലും താരത്തിനു അധികം പ്രഭാവം മത്സരത്തിലുണ്ടാക്കുവാന്‍ സാധിച്ചിരുന്നില്ല. ഇന്ന് ദക്ഷിണാഫ്രിക്കയുടെ പരിശീലനത്തില്‍ നിന്നും താരം വിട്ട് നില്‍ക്കുകയായിരുന്നു. ആദ്യ മത്സരത്തിലെ തോല്‍വിയ്ക്ക് ശേഷം ഫാഫ് ഡു പ്ലെസി പറഞ്ഞത് ഹഷിം അംല മികച്ച രീതിയിലാണ് പ്രതികരിക്കുന്നതെന്നും താരം അടുത്ത മത്സരത്തിനുണ്ടാകുമെന്നാണ് പ്രതീക്ഷയെന്നതായിരുന്നുവെങ്കിലും ഇന്ന് താരം പരിശീലനത്തില്‍ നിന്ന് വിട്ട് നിന്നതോടെ അംലയുടെ ലഭ്യതയെക്കുറിച്ചുള്ള സംശയങ്ങള്‍ ഉയരുകയാണ്.

എന്നാല്‍ താരത്തിനെ നാളെ ഒരു പരിശോധനയ്ക്ക് കൂടി വിധേയമാക്കിയ ശേഷം നാളെ രാവിലെ മാത്രമേ കളിയ്ക്കുമോ ഇല്ലയോ എന്ന തീരുമാനം എടുക്കുകയുള്ളുവെന്നാണ് ദക്ഷിണാഫ്രിക്കന്‍ ടീമില്‍ നിന്ന് ലഭിയ്ക്കുന്ന വിവരം. ആദ്യ മത്സരം പരാജയപ്പെട്ട ദക്ഷിണാഫ്രിക്ക നാളെ ബംഗ്ലാദേശിനെയാണ് നേരിടുന്നത്.

Advertisement