ഇംഗ്ലണ്ട് പരമ്പരയ്ക്കുള്ള വനിത ടീമിനെ പ്രഖ്യാപിച്ച് വിന്‍ഡീസ്. 18 അംഗ സംഘത്തെയാണ് ക്രിക്കറ്റ് വിന്‍ഡീസ് പ്രഖ്യാപിച്ചിരിക്കുന്നത്. സെപ്റ്റംബര്‍ 21 മുതല്‍ 30 വരെ നടക്കുന്ന അഞ്ച് ടി20 മത്സരങ്ങള്‍ക്കുള്ള ടീമാണ് പ്രഖ്യാപിച്ചിരിക്കുന്നത്. വനിത അന്താരാഷ്ട്ര ക്രിക്കറ്റിന്റെ പുനരാരംഭം കൂടിയാവും ഈ പരമ്പര.
അതെ സമയം ടീമിന്റെ മുന്‍ നിര താരം അനീസ മുഹമ്മദ് പരമ്പരയില്‍ നിന്ന് വിട്ട് നില്‍ക്കുവാന്‍ തീരുമാനിക്കുകയായിരുന്നു. കോവിഡ് മൂലം ഇപ്പോളത്തെ സാഹചര്യത്തില്‍ വിന്‍ഡീസ് ബോര്‍ഡ് താരങ്ങള്‍ക്ക് പരമ്പരയില്‍ നിന്ന് വിട്ട് നില്‍ക്കുവാനുള്ള അവസരം നല്‍കിയിരുന്നു. അനീസ ആ അവസരം ഉപയോഗിച്ചുവെന്നും ആ തീരുമാനത്തെ ബോര്‍ഡ് ബഹുമാനിക്കുന്നുവെന്നും ക്രിക്കറ്റ് വിന്‍ഡീസ് വ്യക്തമാക്കി.
ഇന്ത്യയുടെ ഇംഗ്ലണ്ട് ടൂര്‍, ഓസ്ട്രേലിയയുടെ ദക്ഷിണാഫ്രിക്കന്‍ ടൂര്‍, ദക്ഷിണാഫ്രിക്കയുടെ ഇംഗ്ലണ്ട് ടൂര്‍ എന്നിവയാണ് ഈ കാലയളവില്‍ റദ്ദ് ചെയ്യപ്പെട്ട പരമ്പര.
വിന്‍ഡീസ് സ്ക്വാഡ്: Stafanie Taylor (c), Aaliyah Alleyne, Shemaine Campbelle, Britney Cooper, Shamilia Connell, Deandra Dottin, Afy Fletcher, Cherry Ann Fraser, Shabika Gajnabi, Sheneta Grimmond, Chinelle Henry, Lee-Ann Kirby, Hayley Matthews, Natasha McLean, Chedean Nation, Karishma Ramharack, Kaysia Schultz, Shakera Selman
