ഈ മാസം അവസാനം ജമൈക്കയിലും ട്രിനിഡാഡിലുമായി നടക്കേണ്ടിയിരുന്ന ദക്ഷിണാഫ്രിക്കന്‍ വനിതകളുടെ വിന്‍ഡീസ് പര്യടനം ഉപേക്ഷിച്ചു. കൊറോണ കാരണമുള്ള പ്രതിസന്ധിയാണ് ഏകദിന പരമ്പര ഉപേക്ഷിക്കുവാന്‍ ഇടയാക്കിയത്.
ഇരു ബോര്‍ഡുകളും വനിതകളുടെ പരമ്പരയ്ക്ക് പുറമെ പുരുഷ എ ടീമിന്റെ പരമ്പരയും മാറ്റി വയ്ക്കുന്നതിനായി തീരുമാനിച്ചിട്ടുണ്ട്. വനിത ലോകകപ്പ് യോഗ്യതയ്ക്ക് മുമ്പ് നടക്കേണ്ടിയിരുന്നു പരമ്പരയില്‍ അഞ്ച് മത്സരങ്ങളാണുണ്ടായിരുന്നത്.
ദക്ഷിണാഫ്രിക്ക നേരിട്ട് ലോകകപ്പിന് യോഗ്യത നേടിയിട്ടുണ്ട്. വനിത ലോകകപ്പ് യോഗ്യത മത്സരങ്ങളും മാറ്റി വയ്ക്കുന്നതായി ഐസിസി നേരത്തെ തീരുമാനിച്ചിരുന്നു. 2021 ഫെബ്രുവരിയില്‍ ന്യൂസിലാണ്ടില്‍ വെച്ചാണ് വനിത ലോകകപ്പ് നടക്കാനിരിക്കുന്നത്.
യോഗ്യത മത്സരങ്ങളില്‍ നിന്ന് മൂന്ന് ടീമുകള്‍ പ്രധാന ടൂര്‍ണ്ണമെന്റിലേക്ക് നീങ്ങും. നിലില്‍ വീന്‍ഡീസ് ഏഴാം സ്ഥാനത്താണ് ഐസിസി വനിത ഏകദിന ചാമ്പ്യന്‍ഷിപ്പില്‍.
