പാക്കിസ്ഥാനെതിരെ ന്യൂസിലാണ്ട് വനിതകള്‍ക്ക് വലിയ വിജയം. ആദ്യം ബാറ്റ് ചെയ്ത ന്യൂസിലാണ്ട് 365/4 എന്ന സ്കോര്‍ നേടിയ ശേഷം പാക്കിസ്ഥാനെ 234 റൺസിനാണ് ന്യൂസിലാണ്ട് എറിഞ്ഞിട്ടത്. 105 റൺസ് നേടിയ സിദ്ര അമീന്‍ പാക് നിരയിൽ പൊരുതിയെങ്കിലും മറ്റു താരങ്ങളിലാര്‍ക്കും തന്നെ വലിയ സംഭാവന നൽകാനാകാത്തത് പാക്കിസ്ഥാന് തിരിച്ചടിയായി. 49.5 ഓവറിലാണ് പാക് വനിതകള്‍ ഓള്‍ഔട്ട് ആയത്.
ന്യൂസിലാണ്ട് ബൗളിംഗിൽ അമേലിയ കെര്‍ 3 വിക്കറ്റും ലിയ തഹാഹു 2 വിക്കറ്റും നേടി. നേരത്തെ സൂസി ബെയിറ്റ്സ്(108), ബെര്‍നാഡിന്‍ ബെസുയിഡന്‍ഹൗട്ട്(86), അമേലിയ കെര്‍(83), സോഫി ഡിവൈന്‍(70) എന്നിവരുടെ ബാറ്റിംഗാണ് ന്യൂസിലാണ്ടിനെ കൂറ്റന്‍ സ്കോറിലേക്ക് നയിച്ചത്.
