തനിക്ക് പേഴ്സണൽ ഈഗോ ഇല്ല, പഴയ കാര്യങ്ങളിൽ നിന്ന് താൻ മുന്നോട്ട് നീങ്ങി – മിത്താലി രാജ്

Mithali
- Advertisement -

2018 വനിത ടി20 ലോകകപ്പിൽ സെമി ഫൈനലിൽ ഇന്ത്യൻ ടീം പുറത്തായ ശേഷം കോച്ച് രമേശ് പവാറിന്റെ സ്ഥാനം നഷ്ടമാകുകയായിരുന്നു. മിത്താലി രാജുമായുള്ള അഭിപ്രായ വ്യത്യാസങ്ങളായിരുന്നു താരത്തിന്റെ സ്ഥാനം നഷ്ടമാകുവാൻ കാരണം. സെമിയിൽ മിത്താലിയെ ടീമിൽ ഉൾപ്പെടുത്താതിരുന്ന പവാറിന്റെ തീരുമാനം വലിയ ചർച്ചകൾക്ക് കാരണമായിരുന്നു.

ഇപ്പോൾ വീണ്ടും രമേശ് പവാർ ഇന്ത്യൻ വനിത ടീമിന്റെ കോച്ചായി എത്തുമ്പോൾ തനിക്ക് പഴയ കാര്യങ്ങളെ ഓർത്തിരിക്കുവാനുള്ള സമയമില്ലെന്നും താൻ അന്നത്തെ സംഭവത്തിൽ നിന്ന് മുന്നോട്ട് ഏറെ നീങ്ങിയെന്നുമാണ് ഇന്ത്യയുടെ ടെസ്റ്റ് ഏകദിന ക്യാപ്റ്റൻ പറയുന്നത്. പഴയ കാര്യങ്ങളെ ഓർത്ത് ആർക്കും ജീവിക്കാനില്ലെന്നും താൻ ഏറെക്കാലം ക്രിക്കറ്റ് കളിച്ച വ്യക്തിയാണെന്നും തനിക്ക് ഈഗോ ഇല്ലെന്നും മിത്താലി പറഞ്ഞു.

രാജ്യത്തെ സേവിക്കുക എന്നതാണ് പ്രധാനമെന്നും വ്യക്തിഗത പ്രശ്നങ്ങൾക്ക് താൻ അധികം മൂല്യം നൽകുന്നില്ലെന്നും മിത്താലി പറഞ്ഞു.

Advertisement