ഇന്ത്യൻ യുവ താരം ജെമീമ റോഡ്രിഗസ് ദി ഹണ്ട്രഡിൽ കളിക്കും. നോർത്തേൺ സൂപ്പർചാർജേഴ്സിന് വേണ്ടിയാകും താരം കളിക്കുക. ദി ഹണ്ട്രഡിന്റെ ഉദ്ഘാടന സീസണ ജൂലൈ 21ന് ആണഅ ആരംഭിക്കുന്നത്. 100 ബോൾ ടൂർണ്ണമെന്റിൽ എട്ട് വീതം പുരുഷ – വനിത ടീമുകൾ ആണ് മാറ്റുരയ്ക്കുന്നത്. ഇന്ത്യയിൽ നിന്നുള്ള അഞ്ചാമത്തെ താരമാണ് ജെമീമ റോഡ്രിഗസ്. ഹർമ്മൻപ്രീത് കൌർ, സ്മൃതി മന്ഥാന, ഷഫാലി വർമ്മ, ദീപ്തി ശർമ്മ എന്നിവരാണ് ദി ഹണ്ട്രഡിൽ പങ്കെടുക്കുന്ന മറ്റ് ഇന്ത്യൻ വനിത താരങ്ങൾ.
താൻ ഈ അവസരത്തിനായി ഉറ്റുനോക്കുകയാണെന്നും ഇത് പുതിയതും വ്യത്യസ്തവുമായ ഒരു അനുഭവം ആയിരിക്കുമെന്നും ജെമീമ വ്യക്തമാക്കി. താൻ യോർക്ഷയർ ഡയമണ്ട്സിന് വേണ്ടി മുമ്പ് കളിച്ചിട്ടുണ്ടെന്നും താരം വ്യക്തമാക്കി. ഇംഗ്ലണ്ടിന്റെ ലോകകപ്പ് ജേതാവായ ലൌറൻ വിൻഫീൽഡ്-ഹിൽ ആണ് നോർത്തേൺ സൂപ്പർചാർജേഴ്സിനെ നയിക്കുന്നത്.
